АҚТӨБЕ. ҚазАқпарат – Ақтөбеде 5, 6 және 7 жасар балалар аулада тұрған көлік ішінде ойнап, от тұтатқан. «ГАЗель» толық жанып кетті, деп хабарлайды ҚазАқпарат тілшісі.
Өрт Ақтөбе қаласының «Спецавтобаза-2» бау-бақша ұжымында тіркелді. «ГАЗель» автокөлігі өртенді. Оқиға орнына полиция қызметкерлері мен өрт сөндіру қызметі жіберілді. Анықтау кезінде оны 5, 6 және 7 жастағы үш көрші баланың жағып жібергені белгілі болды.
«Балалар автокөлік бортында ойнап, орындықтың жұмсақ бөлігін өртеп жібергенін айтты. Машина толығымен жанып кеткен. Балалардың бұзақылығы үшін ата-аналары жауапқа тартылады», - деп хабарлады облыстық ПД баспасөз қызметінің жетекшісі Ерболат Сарқұлов.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.