АҚТӨБЕ. ҚазАқпарат – Ақтөбеде «Студент» жедел алдын алу шарасы өтіп жатыр. Инспекторлар жатақханада жататын студенттен пневматикалық тапанша тәркіледі, деп хабарлайды ҚазАқпарат тілшісі.
Ақтөбе қаласындағы колледждердің бірінде оқитын студент қарумен жүрген. Қаладағы ювеналды полицияның кәмелетке толмағандардың ісі жөніндегі инспекторы «Студент» алдын алу шарасы кезінде жатақханаларды тексеріп, «WAITHER КАЛИБР 4,5» пневматикалық қаруын тәркіледі.
«Тапанша тәркіленіп, студент пен оның ата-анасы Ақтөбе қаласы әкімі жанындағы кәмелетке толмағандардың ісі жөніндегі комиссияға шақырылды. Алдағы уақытта бала тәрбиесіне қатысты іс қаралып, шешім шығарылады», - деп хабарлады облыстық ПД баспасөз қызметі.
Алтынай Сағындықова
2001-2006 ж.ж. Қ.Жұбанов атындағы Ақтөбе мемлекеттік университетін тәмамдады. Мамандығы - журналист. Еңбек жолын 2006 жылы "Kerek.info" қоғамдық-ақпараттық газетінен тілші болып бастап, шеф-редактордың орынбасары, шеф-редактор болды. Әртүрлі жылдары "Айқын" қоғамдық-саяси газеті, Bnews.kz, Aktobenews.kz тілші қызметін атқарды. 2017 жылдан бастап Kazinform агенттігінің Ақтөбе облысындағы меншікті тілшісі.