АСТАНА. KAZINFORM — Гонконгте 5-10 қаңтар аралығында теннистен өтетін ATP 250 турнирінің жеребесі тартылды.
Дүниежүзілік рейтингіде 11-орында тұрған қазақстандық Александр Бублик жаңа жылдың алғашқы жарысында 2-ракетка болып тіркелген.
Екінші айналымнан бастайтын А.Бублик рейтингіде 77-орындағы нидерландылық Ботик ван де Зандсхулп немесе іріктеу сайысы жеңімпаздарының бірімен шеберлік байқасады.
Аталмыш додада сондай-ақ италиялық Лоренцо Музетти, ресейліктер Андрей Рублев, Карен Хачанов сынды теннисшілер өнер көрсетеді.
Тағы бір қазақстандық, рейтингіде 97-орындағы Александр Шевченко Брисбен (Аустралия) ATP 250 турнирі іріктеу сайысының жартылай финалында әлемнің 85-ракеткасы, бельгиялық Рафаэль Коллиньонға есе жіберді – 5:7, 4:6.
Еске сала кетейік, бұдан бұрын Елена Рыбакина қатысатын Брисбен турнирінің жеребесі тартылғанын жазған едік.
Сондай-ақ Аружан Сағындықова Үндістандағы турнирде топ жарды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).