Алматы маңында кондуктор жүріп бара жатқан автобустан құлап, мерт болды

АЛМАТЫ. KAZINFORM - Алматы маңындағы ауылдар арасында жүретін автобустан құлаған кондуктор оқиға орнында жан тапсырды. Бұл туралы облыстық полиция департаменті хабарлады.

«Алматы-Көкпек-Көктал автожолымен жүретін маршруттық автобустың кондукторы салоннан құлап қалғаны анықталды. Оқиға салдарынан әйел сол жерде көз жұмды. Бұл факт полицияда тіркелді. Қазіргі уақытта оқиғаның мән-жайы анықталып жатыр», - деп хабарлады ПД баспасөз қызметі.

Еске салайық, бұған дейін Алматыда газельге соқтығысқан мопед жүргізушісі қайтыс болғанын жазғанбыз. 

Өткен аптада Алматы маңында автобус көпірден көліктің үстіне құлаған болатын.