АЛМАТЫ. ҚазАқпарат – Алматыдан 377 шақырым қашықтықта жер сілкінді, деп хабарлайды ҚазАқпарат «Сейсмологиялық тәжірибе-әдістемелік экспедициясы» ЖШС-ге сілтеме жасап.
Кезекші оператордың хабарлауынша, жер сілкінісі жергілікті уақытпен сағат 16:12-де тіркелген. Эпиорталығы Алматыдан солтүстік-шығысқа қарай 377 км қашықтықта, Қазақстан аумағында орналасқан. Энергетикалық санаты – 8.8. MPV магнитудасы – 4.0. Эпиорталық координаттары – 45.27° с.е. және 80.67° ш.б. Тереңдігі - 15 км. МSК-64 бағаны бойынша сезілу болмады.
Бұған дейін хабарлағанымыздай, бүгін Алматыдан бірнеше шақырым жерде сағат 7:40-та және 8:55-те жер сілкінісі болды.
Сондай-ақ, қазақстандық сейсмологтер Қытай аумағындағы жер сілкінісін тіркеді.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.