Спортшы ойын өте жақсы өткенін айтты.
– Бар күшімізді салдық деп ойлаймын. Бәрі ойдағыдай болды, жақсы нәтиже көрсеттік, - деді ол.
Сондай-ақ, отандасымыз келесі матч өте қиын болатынын жасырмады.
– Филиппинмен ойын өте қиын болайын деп түр. Біз үшін өте маңызды матч. Сол себепті Қырғызстанға қарағанда оларға екі есе күшімізді салу керек. Егер жеңіске жетсек, келесі кезеңге өтуге мүмкіндігіміз бар, - дейді Сейітжанова.
Айта кетерлігі, керлингтен Қазақстан құрамасы бүгін аралас жұптар арасындағы жарыста Қырғызстаннан басым түсіп, екінші жеңісіне қол жеткізді.
Төр матчтың қортындысында, Қазақстан құрамасы 2 жеңіс және 2 жеңіліс нәтижесімен В тобында үшінші орынға жайғасты. Ал Филиппин құрамасы 3 матчта жеңіске жетіп, екінші орында түр.
Олар осыған дейін отандастарымыз 5:11 есебімен Қытайға, 0:12 есебімен Кореяға жол беріп, 7:4 есебімен Қатарды жеңген болатын.
Айта кетейік, IX қысқы Азия ойындары 2025 жылдың 7-14 ақпаны аралығында Қытай Халық Республикасы Хэйлунцзян провинциясының Харбин қаласында өтеді. Спортшылар 11 спорт түрі бойынша 64 медаль жиынтығын сарапқа салады.