Қазақстандық маман Андрей Карпович «Ақтөбе» бас бапкері қызметінен кетті, деп хабарлайды Kazinform.
Андрей Карпович ақтөбелік клубтың тізгінін 2022 жылдан бері ұстады.
Былтыр команда ел біріншілігінде екінші орын алса, биыл үздік үштікті түйіндеді.
Әлеуметтік желідегі жазбасында ол өзіне сенім артқан облыс әкімдігіне, клуб басшылары мен жергілікті жанкүйерлерге ризашылығын білдірген.
Одан бұрын ол «Қайратта» бас бапкердің міндетін атқарушы, «Оқжетпес» пен «Қызылжарда» бас бапкер болды.
Сондай-ақ, 2022 жылы ел құрамасының Молдоваға қарсы екі ойынында бас бапкер міндетін атқарды.
Андрей Карпович футболшылық мансабында 1998-2016 жылдар аралығында еліміздің бірқатар клубтары мен Ресейдің «Ростов», «Динамо» командаларының жейдесін киді.
Еске салсақ, 4 қарашада қостанайлық «Тобыл» Қазақстан кубогының иегері атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.