АСТАНА. KAZINFORM – Қазақстанның жұптық сындағы бірінші, әлемнің 31-ракеткасы Ухань (Қытай) WTA 1000 турнирінің финалына шықты.
Қазақстандық теннисші ресейлік Ирина Хромачевамен бірге жартылай финалда ресейлік Екатерина Александрова – чехиялық Катерина Синяковамен бақ сынасты.
Бірінші партияда қазақстандық-ресейлік жұп айқын басымдылық көрсетті – 6:1. Екіншісін де сәтті аяқтай білді – 6:4.
Бір сағаттан астам уақытқа созылған бәсеке барысында Данилина – Хромачева 3 эйспен бірге 8 брейк-пойнттың тең жартысын пайдаланды. Александрова – Синякова 3 брейк-пойнттың біреуін ғана өз есептеріне жазды.
Анна Данилина – Ирина Хромачева финалда америкалықтар Джессика Пегула – Айша Мухаммадпен чемпиондық атақты сарапқа салады.
Еске сала кетейік, бұдан бұрын Заңғар Нұрланұлының Шымкенттегі турнирдің чемпионы атанғанын жазған болатынбыз.
Сондай-ақ Алматыда теннистен ATP 250 жарысының жеребесі тартылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).