АТЫРАУ. KAZINFORM – Атырау қаласы, Авангард-4 ықшамауданында бес қабатты тұрғын үйдің бірінші қабатындағы пәтерлердің бірінде өрт шықты. Құтқарушылар 40 адамды сыртқа аман-есен шығрды, деп хабарлайды ТЖМ.
– Оқиға орнына ТЖМ күштері жедел жетті. Автосатының көмегімен және баспалдақ маршы арқылы 10 адам, оның ішінде 2 бала құтқарылды. Сонымен қатар 30 адам, оның ішінде 10 бала эвакуацияланды, – деп хабарлады ТЖМ баспасөз қызметі.
Қазіргі таңда өрт толығымен сөндірілген. Абырой болғанда зардап шеккендер жоқ. Яғни құтқарушылардың жедел әрі үйлесімді әрекетінің арқасында салдары аса ауыр жайттарға жол берілмеді.
Айта кетейік, қарағандылық құтқарушылар батпаққа батқан екі жасөспірімді аман алып шықты.
Жасұлан Бақытбекұлы
Жасұлан Сейілханов 1986 жылы Жамбыл облысы Қордай ауданы Қаракемер ауылында дүниеге келген. Мамандығы – журналист. Еңбек жолын 2005 жылдан бастаған. Аудандық, қалалық, облыстық және республикалық газеттерде тілшілік, жетекшілік, басшылық қызмет еткен. Kazinform ХАА шығарушы редакторы.