АСТАНА. KAZINFORM – Қазақстандық теннисші Анна Данилина аралас жұпта Аустралия ашық чемпионатының екінші айналымына шықты.
Қазақстандық теннисші финляндиялық Харри Хелиоваарамен бірге бастапқы кездесуін канадалық Габриэла Дабровски – бельгиялық Сандер Жиллемен өткізді.
Қазақстандық-финляндиялық жұп 6:3, 7:6 (7:3) есебімен жеңіске жетіп, екінші айналымға жолдама алды.
Бір сағат 16 минутқа созылған бәсеке барысында екеуі 10 эйспен бірге 8 брейк-пойнттың үшеуін пайдаланды. Дабровски – Жилле 2 эйс, 2 брейкпен (4 брейк-пойнт) шектелді.
Анна Данилина – Харри Хелиоваараның келесі қарсыластары кейін анықталады.
Аталған дуэт 2023 жылы микстен АҚШ чемпионы атанып, айды аспанға шығарған еді.
Еске сала кетейік, бұдан бұрын Анна Данилинаның АҚШ чемпионы атанғанын жазған болатынбыз.
Сондай-ақ Юлия Путинцева Аустралия чемпионатында үшінші айналымға жолдама алды.
Елена Рыбакина 17 жастағы теннисшіден айласын асырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).