АСТАНА. ҚазАқпарат – Иорданияның Амман қаласында бокстан өтіп жатқан Азия чемпионатында Саматәлі Төлтаев жекпе-жегін сәтті өткізді, деп хабарлайды ҚазАқпарат тілшісі.
Қазақстандық боксшы ширек финалда қырғызстандық Мирзохид Имамназаровпен қолғап түйістірді.
Бұл жекпе-жекте С. Төлтаев төрешілер шешімімен жеңіске жетті.
Осылайша, ол жартылай финалға шығып, кемінде қола медальға қол жеткізді.
Бүгін кешкі сессияда тағы төрт қазақстандық боксшы рингке шығады.
Еске сала кетейік, бұдан бұрын Азия чемпионатында Қазақстан қоржынына сегізінші медаль түскенін жазған болатынбыз.
Сондай-ақ, Азия чемпионатында қазақстандық жеті боксшы сынға түсетіні хабарланды.
Бұған дейін Махмуд Сабырхан мен Серік Теміржанов жүлде алды.
Сурет olympic.kz сайтынан алынды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).