Азия пара ойындары: Қазақстан қоржынына екі медаль түсті
Қытайдың Ханчжоу қаласында өтіп жатқан Азия пара ойындарында Қазақстан қоржынына екі медаль түсті, деп хабарлайды Kazinform.
Фото: ҚР Туризм және спорт министрлігі
Шосседегі веложарыстан жекелей сында Кенжеғұл Сейтжан пилот Антон Лаврентьевпен бірге үздік үштікке ілікті.
Мұнда оңтүстіккореялық Ким Чжун Бин жеңімпаз атанса, индонезиялық Нурфенди мәре сызығын екінші болып қиды.
Бұл – VІІІ шақырылымдағы Мәжіліс депутаты К.Сейтжанның осы Азиададағы екінші медалі.
Фото: ҚР Туризм және спорт министрлігі
Волейболдан отырып ойнаудан Қазақстан ерлер құрамасы финалға дейін сүрінбей жетіп, соңғы бәсекеде Иранға (14:25, 16:25, 18:25) 0:3 есебімен есе жіберді. Сөйтіп, қазақстандық параволейболшылар күмісті қанағат тұтты.
Қазіргі кезде Қазақстан қоржынында 7 алтын, 12 күміс, 21 қола жүлде бар.
Еске сала кетейік, бұдан бұрын Қазақстан параспортшылары тағы үш медаль жеңіп алғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).