Батыс Қазақстанда жөндеуге байланысты республикалық жол бөлігі жабылады
ОРАЛ. KAZINFORM — Батыс Қазақстан облысында республикалық маңызы бар Подстепный-Теректі-РФ шекарасы (0-36 км) автожолын қайта құру жұмыстары жалғасуда.
Фото: «ҚазАвтоЖол» ҰК» АҚ БҚО филиалы
«ҚазАвтоЖол» ҰК» АҚ БҚО филиалынан мәлім еткеніндей, аталмыш жоба аясында құрылыс-монтаж жұмыстарын жүргізіп жатқан мердігер мекеме «Казкомсервис» ЖШС құрылыстың негізгі кезеңіне кіріседі.
Фото: «ҚазАвтоЖол» ҰК» АҚ БҚО филиалы
— Осы себептен 12 ақпаннан бастап құрылыс уақытында Ақтөбе-Орал-РФ шекарасы («Сырым» өткізу бекеті) жолының 262 шақырымындағы бөлігі, атап айтқанда, трассаның Атырауға қарай бұрылатын тұсы жабылады. Көлік қозғалысы уақытша айналма жолмен ұйымдастырылатын болады, — деп хабарлады ведомстводан.
Ақтөбе-Орал жолының аталған бөлігі Теректі ауданы Подстепный ауылы маңында, Орал қаласына қарасты Зачаган кентіне қарай бұрылар тұста орналасқан.
Фото: «ҚазАвтоЖол» ҰК» АҚ БҚО филиалы
Еске сала кетейік, бұдан бұрын Батыс Қазақстанда жол салуда қандай бағыттарға басымдық берілетінін жазған едік.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).