АСТАНА. KAZINFORM - Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Бекзат Нұрдәулетов финалға жолдама алды.
Әлем чемпионы Бекзат Нұрдәулетов 86 келіге дейінгі салмақта украиналық Даниил Жасанмен тартысты жекпе-жек өткізді.
Бірінші раундта Д.Жасан 3:2 есебімен алға шықты. Дегенмен бұдан кейін Бекзат камбэк жасай білді. Қорытынды есеп - 4:0.
Еске сала кетейік, бұдан бұрын Абылайхан Жүсіповтің екінші рет бокстан Азия чемпионатының финалына шыққанын жазған болатынбыз.
Диас Молжігітов финалистер қатарына қосылды.
Бұдан бұрын 22 жасқа дейінгілер арасында Азия чемпионатында күміс жүлдегер атанған Д.Молжігітов 75 келіге дейінгі салмақта украиналық Павел Илюшамен кездесті.
Кездесу тартысты өтіп, төрешілердің шешімімен жеңіс қазақстандық боксшыға берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).