АСТАНА. KAZINFORM – Tennis Europe (TE) ұйымы 14 жасқа дейінгілер арасында жаңартылған рейтингіні жария етті.
Қазақстан теннис федерациясынан мәлім еткеніндей, қазақстандық бес жас ойыншы ТОП-100-ге кірді.
Ахмади Мақанов 13-орында қалса, Хақназар Жеткербай 30-дан 28-ге көтерілді. Олардың екеуі де – Ақтөбе теннис мектебінің түлектері.
Сондай-ақ Әмір Асқар жақсы көрсеткішімен көзге түсіп, 74-тен бірден 56-сатыға шықты. Қыздар арасында Тәмина Сәкен 83-інші, Әмина Нұрмахан 87-орыннан көрінді. Бұлардың үшеуі де Алматы қаласында теннис әліппесін үйренген.
Еске сала кетейік, бұдан бұрын жас теннисші Ахмади Мақанов туралы не білетінімізді жазған едік.
Сондай-ақ Зарина Дияс Үндістанда турнирдің 4-ракеткасын жолдан тайдырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).