ОРАЛ. ҚазАқпарат – Батыс Қазақстан облысында ауа райының бұзылатыны жөнінде тағы да ескерту жарияланды, деп хабарлайды ҚазАқпарат тілшісі.
«Қазгидромет» РМК БҚО филиалының мәліметіне қарағанда, 21 желтоқсанда өңірдің кей жерлерінде күн жауын-шашынды болады.
Тұман түсіп, көктайғақ болуы ықтимал.
Орал қаласында да тұман мен көктайғақ болады.
Осыған байланысты БҚО ТЖ департаменті ескерту жариялап, тұрғындарға абай болу жөнінде хабарламалар таратуда.
Облыста бірнеше күннен бері ауа райы құбылып тұр.
Еске сала кетейік, бұдан бұрын өңірде қар аралас жаңбыр жауып, көктайғақ болатынын, сондай-ақ мал бағып жүріп, жоғалып кеткен бақташының табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).