ОРАЛ. ҚазАқпарат – Батыс Қазақстан облысында су шайып кетуіне байланысты тағы бір республикалық жол жабылды, деп хабарлайды ҚазАқпарат тілшісі.
«ҚазАвтоЖол» АҚ БҚО филиалының мәліметі бойынша 13 наурыз күні республикалық маңызы бар Самара-Шымкент автожолында Ақтөбе облысы аумағында еріген қар суы трассаның үстіне шығып кеткен.
Соған байланысты жергілікті сағат 21.30-дан бастап аталмыш жол (393-526 км, Сырым ауданы орталығы Жымпиты ауылынан – Ақтөбе облысының шекарасына дейін) барлық көлік түрлері үшін жабылды.
Сонымен қатар Теректі ауданы Барбастау ауылынан Ақтөбе облысына дейінгі аралықта (274-526 км) жүк және қоғамдық көліктердің қозғалысы шектелді.
Осыған орай БҚО ТЖ департаменті ескерту жарияланғанын жеткізді.
Еске сала кетейік, бұдан бұрын Батыс Қазақстан облысындағы Бөрлі ауданында төтенше жағдай жарияланғанын жазған болатынбыз.
Сондай-ақ Орал қаласында төтенше жағдай жарияланды.
БҚО-ның тағы бір ауданында төтенше жағдай жарияланды.
Батыс Қазақстанда ауылға су кіріп, 44 адам эвакуацияланды.
БҚО-да республикалық жолды су шайып кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).