АСТАНА. KAZINFORM – Таиланд корольдігінің Чиангмай қаласында ерлер және әйелдер арасында бокстан өтіп жатқан Азия чемпионатында Наталья Богданова финалға өтті.
Н.Богданова 70 келіге дейінгі салмақта украиналық Анастасия Черноколенкоға қарсы келді.
Бірінші раундта төрешілердің бәрі басымдықты украиналық боксшыға берді. Дегенмен бұдан кейін Наталья камбэк жасап, қалған екі раундты сәтті өткізді. Қорытынды есеп – 5:0.
Тағы бір қазақстандық Милана Сафронова 66 келіге дейінгі салмақта өзбекстандық Навбахор Хамидовамен айқасты. Бұл жекпе-жекте төрешілер үшінші кезеңде нокдаун алғанына қарамастан, жеңісті өзбекстандыққа берді – 4:0.
Еске сала кетейік, бұдан бұрын бокстан Азия чемпионатында Виктория Графееваның қарсыласын нокаутпен ұтқанын жазған болатынбыз.
Сондай-ақ Аида Әбікеева бокстан Азия чемпионатының финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).