АСТАНА. KAZINFORM – Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында төртінші жарыс күні Қазақстаннан алғашқы болып шаршы алаңға Махмұд Сабырхан шықты.
Бокстан әлем чемпионы Махмұд Сабырхан 54 келіге дейінгі салмақта қытайлық Тайбэй өкілі Ян-Лин Лаймен қолғап түйістірді.
Бірінші раундта-ақ қазақстандық боксшы қарсыласын үш рет нокдаунға жібергеннен кейін төреші жекпе-жекті тоқтатты.
Махмұд Сабырхан жартылай финалға шығу үшін шри-ланкалық Джаянат Кумармен таласады.
Бүгін сондай-ақ Аида Әбікеева мен Милана Сафронова алғашқы жекпе-жектерін өткізеді.
Еске сала кетейік, бұдан бұрын қазақстандық екі боксшының Азия чемпионатын жеңіспен бастағанын жазған болатынбыз.
Сондай-ақ Ұлжан Сәрсенбек ширек финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).