АСТАНА. KAZINFORM — Таиландтың Чиангмай қаласында бокстан ерлер мен әйелдер арасында өтіп жатқан Азия чемпионатында Гүлсая Ержан жеңімпаз атанды.
Жартылай финалда өзбекстандық Сохиба Рузметовадан айласын асырған Гүлсая соңғы бәсекеде Украина өкілі Карине Айрапетянмен рингке шықты.
Бірінші раундта төрешілердің шешімі бойынша Г.Ержан 5:0 есебімен алға шықты.
Екінші және үшінші кезеңде Гүлсая алған бағытынан танбады — 5:0. Қорытынды нәтиже — 5:0.
Осылайша, бокстан Азия біріншілігінде Қазақстан қоржынына төрт алтын медаль түсті.
Еске сала кетейік, бұдан бұрын бокстан қазақстандық Виктория Графееваның бокстан Азия чемпионы атанғанын жазған болатынбыз.
Сондай-ақ бокстан Азия чемпионатында Аида Әбікеева алтын алды.
Бокстан Азия чемпионатында Наталья Богданова Қазақстанға үшінші алтынды әперді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).