АСТАНА. KAZINFORM — Қазақстандық теннисші Денис Евсеев жұптық сында Оэйраш (Португалия) челленджер турнирінің финалында өнер көрсетті.
Қазақстандық теннисші жапониялық Каити Утидамен бірге финалда америкалықтар Джордж Голдхофф — Трей Хильдебрандпен чемпиондық атақты сарапқа салды.
Бірінші партияда америкалық жұп 7:5 есебімен басым түсті.
Екінші сетте қазақстандық-жапониялық дуэт қарымта қайырды — 6:2. Бірақ супер тай-брейкте жеңіс америкалықтардың еншісінде кетті — 10:5.
Бір сағат 15 минутқа созылған бәсеке барысында Евсеев — Утида 3 эйспен бірге 6 брейк-пойнттың екеуін пайдаланды. Голдхофф –Хильдебранд 2 эйс, 1 эйспен (6 брейк-пойнт) шектелді.
Денис Евсеев пен Каити Утиданың финалға дейін жетуінің өзін табыс деп есептеуге болады.
Еске сала кетейік, бұдан бұрын Денис Евсеевтің Португалиядағы жарыстың финалына шыққанын жазған болатынбыз.
Сондай-ақ Сандуғаш Кенжебаева Анталиядағы жарыстың жеңімпазы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).