АСТАНА. ҚазАқпарат – Футболдан бірінші лига командалары арасында Қазақстан чемпионатында Семейдің «Елімайы» төртінші мәрте жеңіске жетті, деп хабарлайды ҚазАқпарат тілшісі.
Семейлік клуб сырт алаңда елорданың «Астана-2» командасын 4:0 есебімен тізе бүктірді. Осылайша қатарынан төртінші мәрте жеңіске жеткен олар турнир кестесінде бірінші орында келеді. Екінші орындағы Түркістанның «Тұранынан» төрт ұпайға ұзап кетті.
Ал алматылық «Жас Қыран» «Ақтөбе-2» командасын 1:0, «Тараз» «Түркістанды» 4:3 есебімен сүріндірді.
Сондай-ақ, 15-турда 20 шілдеде Түркістан облысының «Арысы» өз алаңында елордалық «Жеңіске» 0:2 есебімен жол берді.
Ал Алматының «Қайрат жастары» тағы бір алматылық ұжым «Хан тәңірін» 3:1, Шымкенттің «Қыраны» сол қаланың «Оңтүстік академиясын» 1:0 есебімен жеңді.
Ал Оралдың «Ақжайығы» Павлодар облысының «Екібастұзын» 4:1 есебімен тізе бүктірді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.