НҰР-СҰЛТАН. ҚазАқпарат - Елордалық «Барыс» Ресейдің «Автомобилист» командасымен жолдастық кездесу өткізбейтін болды, деп хабарлайды ҚазАқпарат тілшісі клубтың баспасөз қызметіне сілтеме жасап.
Бұдан бұрын «Барыс» 31 тамызда аталған ресейлік клубпен мұз айдынына шығады деп жоспарланған еді. Кездесу Екатеринбург қаласында өтуі тиіс болатын.
Ендігі кезекте «Барыс» алдағы маусымға дайындық барысында 27 және 29 тамызда Қарағандының «Сарыарқа» командасымен екі ойында шеберлік байқасады.
Одан кейін құрлықтық хоккей лигасындағы алғашқы ойынын 3 қыркүйекте Латвияда «Динамо» (Рига) командасына қарсы өткізеді.
Естеріңізге сала кетелік, «Барыс» бұдан бұрын Өскеменнің «Торпедо» клубымен екі мәрте жолдастық кездесу өткізді. Алғашқысында 1:2 есебімен жеңіліп, екінші ойында 6:4 есебімен басым түсті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.