АСТАНА. KAZINFORM – Каспий теңізінде магнитудасы 4,2 болатын жер сілкінісі болды, деп хабарлайды АЗЕРТАДЖ.
Әзербайжан Ұлттық ғылым академиясы жанындағы Республикалық сейсмологиялық қызмет орталығының мәліметінше, жерасты дүмпуі жергілікті уақытпен сағат 21:09-да тіркелген.
Жер сілкінісінің ошағы 74 шақырым тереңдікте орналасқан.
Айта кетейік, бұған дейін 13 және 15 сәуір күндері қазақстандық сейсмологтар да Каспий теңізінде жер сілкіністерін тіркеген.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.