Алматылық «Қайрат» өз алаңында Оралдың «Ақжайығымен» кездесті.
Биыл оралдық клуб бірінші лигада доп тебеді. Ал «Қайрат» негізінен өз академиясында тәрбиеленіп шыққан түлектерге сенім артып жүргені белгілі.
Ойын барысында командалар шабуылға көшті. Дегенмен бірінші кезеңде таблодағы есепке өзгеріс енген жоқ.
Екінші кезеңде оралдық клубтан Евгений Кобзарь 56-минутта «Қайратың» қақпашысын қапы қалдырып кетті. Ал «Қайрат» сапынан Дмитрий Сергеев 66, Артур Шушеначев 68-минутта екі гол соғып кетті.
Осылайша «Қайрат» қарсыласынан 2:1 есебімен басым түсті.
Тағы бір кездесуде Қостанайдың «Тобылы» өз алаңында Павлодар облысының «Ақсуымен» шеберлік байқасуда. Бірінші кезеңнен кейін қостанайлық клубтан 1:0 есебімен басым түсуде. Олардың қатарынан Иван Рогач 22-минутта мергендік танытты.
Еске салсақ, бұдан бұрын «Қызылжар» «Жетісуды» 3:0 есебімен сүріндірсе, «Каспий» «Тұранға» 0:1 есебімен жол берді.
Сондай-ақ, «Шахтер» «Оқжетпестен» 1:0 есебімен басым түссе, «Ақтөбе» мен «Атырау» 2:2 есебіне қанағат білдірді.
Енді елорда уақытымен 21:00-де «Ордабасы» (Шымкент) - «Мақтарал» (Түркістан облысы), «Астана» - «Қайсар» (Қызылорда) жасыл алаңға шығады.
Қарымта ойын 29 және 30 сәуір күндеріне белгіленген.