АСТАНА. KAZINFORM – Кәсіби теннисшілер қауымдастығының (ATP) жаңартылған рейтингісінде қазақстандықтардың орны белгілі болды.
Сербиялық Новак Джокович бұрынғыша көш бастаса, испаниялық Карлос Алькарас екінші, италиялық Янник Синнер үшінші орында қалды.
Қазақстанның бірінші ракеткасы Александр Бублик 21-ден 23-ке, сондай-ақ Александр Шевченко 45-тен 47-ге, Михаил Кукушкин 163-тен 165-ке сырғыды. Денис Евсеев 179-да қалса, Бейбіт Жұқаев 192-ден 190-ға көтерілді.
Рейтингіде өз көрсеткішін күрт жақсартқан АҚШ-тағы қатарынан үш турнирде жеңімпаз атанған Дмитрий Попко болды. Ол 325-тен бірден 16 сатыға жоғарылап, 309-орынға орнықты. Ол ТОП-300-ге енуге жақын тұр.
Жұптық сында Қазақстанның бірінші ракеткасы Александр Недовесов 51-ден 49-ға, Андрей Голубев 74-тен 70-ке шықты.
Еске сала кетейік, бұдан бұрын Елена Рыбакинаның әлемдік рейтингіде төртінші орнын сақтап қалғанын жазған болатынбыз.
Сондай-ақ қазақстандық жас теннисшілер халықаралық жарыстарда жеңімпаз атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).