— ТЖМ күштері өртті толығымен сөндірді. Құрылымдарды бөлшектеу және зардап шеккендерді іздеу жұмыстары жүргізіліп жатыр. Қазақстан ТЖМ Стратегиялық жоспарлау орталығының базасында жедел штаб құрылды. Жағдай ТЖМ бақылауында, — делінген хабарламада.
Еске салсақ, бүгін Өскемендегі кәсіпорындардың бірінде жарылыс болып, арты өртке ұласты.
Кейіннен зауыттағы жарылыстан соң ауа сапасы тексеріліп жатқаны хабарланды.
Бастапқыда жарылыстан 4 адам зардап шеккені мәлім болды.
Көп ұзамай жарылыстан 9 адам зардап шеккені, олардың үшеуі ауыр жағдайда екені айтылды.
Олжас Бектенов Өскемендегі жарылысты жеке бақылауына алғаны анықталды.