АСТАНА. KAZINFORM - 2025 жылғы Қысқы универсиадаға шайбалы хоккейден Қазақстан ерлер құрамасы үшінші ойынын Канадаға қарсы өткізеді.
Студенттік ойындар 13-23 қаңтар аралығында Италияның Турин қаласында болады.
Қазақстан ерлер құрамасы А тобында сынға түседі. Қарсыластары - Канада, Чехия, Оңтүстік Корея және Швеция.
Бүгінгі кездесу қазақстандық уақытпен 00:00-ге белгіленген.
Екі құрама бұған дейін бес мәрте кездесті. Оның екеуінде Қазақстан жеңсе, қалғанында қарсыласына есе жіберді.
Ерлер құрамасы бұған дейін Швециядан 9:2, Оңтүстік Кореядан 7:1 есебімен басым түсті.
Сондай-ақ олар 17 қаңтарда Чехиямен шеберлік байқасады.
Айта кетейік, 15 қаңтарда Италияның Турин қаласында 2025 жылғы Қысқы универсиаданың екінші жарыс күнінде қазақстандық спортшылар шаңғы жарысы (ерлер, әйелдер), парашаңғы жарысы фристайл жұптық-могул және шайбалы хоккейден сынға түседі.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.