ҚЫЗЫЛОРДА. KAZINFORM - Қызылорда қаласында құтқарушылар аяғына айыр кіріп кеткен 7 жасар баланы құтқарды.
Оқиға қала маңындағы Ж.Махамбетов ауылында болды.
«Шақырту орнына жедел жеткен құтқарушылар баланың аяғына кіріп кеткен айырды арнайы слесарлық құралдардың көмегімен кесті. Баланы жәдел жәрдем қызметіне тапсырды», - деп мәлім етті
Қызылорда облысы Төтенше жағдайлар департаменті Жедел құтқару жасағынан. Сондай-ақ Қызылорда облысында биыл балалардың суға кетуі алаңдатып отыр.
Қызылорда облысында биыл су айдындарында әртүрлі жағдайлар мен оқыс оқиғалар салдарынан 21 адам көз жұмды.
Өткен жылдың сегіз айында облыста 29 адам суға кетіп қаза болған еді. Оның ішінде 8-і бала. Былтырғы жылмен салыстырғанда жалпы адам қазасы 27% төмендеп тұр. Дегенмен биыл 11 баланың суға кетуі алаңдатады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.