АСТАНА. KAZINFORM — Пасха аралының оңтүстік-шығысында магнитудасы 6,4 болатын жер сілкінісі тіркелді, деп хабарлайды Kazinform агенттігі «Синьхуаға» сілтеме жасап.
АҚШ Геологиялық қызметінің мәліметінше, жер сілкінісі бейсенбі күні Астана уақытымен сағат 12:49-да (Гринвич уақытымен 07:49) болған.
Алдын ала деректер бойынша, жерасты дүмпуінің ошағы оңтүстік ендіктің 36,41 градусы мен батыс бойлықтың 98,05 градусы нүктесінде орналасқан. Жер сілкінісінің ошағы 10 шақырым тереңдікте болған.
Еске салайық, бұған дейін Қытайда бір тәулікте екінші жер сілкінісі тіркелгенін хабарлағанбыз.
Мейірман Лес
Еуразия ұлттық және Қазақ ұлттық университеттерін бітірген. Республикалық "Ұлан" газетінде, Baribar.kz, Holanews.kz, Zakon.kz, Tengrinews.kz, Massaget.kz, Ulysmedia.kz порталдарында журналист, продюсер, шығарушы/шеф/бас редактор қызметтерін атқарған. 2025-2026 жылдары Kazinform агенттігінің Алматыдағы меншікті тілшісі болып еңбек етті, қазір қазақ редакциясының шығарушы редакторы.