АСТАНА. KAZINFORM - Таиланд корольдігінің Чиангмай қаласында бокстан өтіп жатқан Азия чемпионатында Сағындық Тоғамбай жеңісті жолды жалғастырды.
Боксшымыз жартылай финалда 92 келіге дейінгі салмақта қытайлық Таймиао Люды жолдан тайдырды.
Қарсыласына ауыр соққылар дарытқан Сағындық оны нокдаунға жіберді. Қытай тарабы содан шаршы алаңға ақ орамал тастауға мәжбүр болды.
Енді Сағындық Тоғамбай да алтын үшін таласатын болады.
Еске сала кетейік, бұдан бұрын Абылайхан Жүсіповтің екінші рет бокстан Азия чемпионатының финалына шыққанын жазған болатынбыз.
Әлем біріншілігінің үш дүркін қола жүлдегері Абылайхан Жүсіпов 71 келіге дейінгі салмақта Тәжікстан өкілі Шохобжон Шукуровпен шеберлік байқасты.
Жекпе-жек Абылайханның айқын басымдығымен өтті - 5:0.
Азия чемпионатында Диас Молжігітов финалға жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).