«Олардың барлығы шамалы айырмашылықпен 70% айналасын көрсетіп отыр. Орталық сайлау комиссиясының қорытынды мәліметі де осы шамада болады деп ойлаймын – сайлаушылардың төрттен үш бөлігі Қазақстанда бейбіт атомды пайдалануға мүмкіндік беру үшін өз дауыстарын берді. Бұл өткен айда Халық штабы өткізген науқанның нәтижесі», - деп жазды Н.Шаталов өзінің Telegram парақшасында.
Оның айтуынша, науқан табысының негізгі факторы – осы уақытта АЭС мәселесінде нақты шешім таба алмаған азаматтарды – сайлаушылардың жалпы санының 20%-дан астамын өздеріне тарта алуында.
Оның ішінде атом энергиясы туралы эмоционалды аргументтер мен мифтерді басшылыққа алған адамдар болды. Энергия көзі туралы да, елдегі инфрақұрылымның жай-күйі туралы да қолжетімді ақпараттың тапшылығы да көрінді.
«Алда әлі көп нәрсе бар: дауыс беру нәтижесін санау, оларды бекіту, содан кейін Үкіметтің үлкен құрылыстың барлық параметрлерін анықтау жөніндегі жұмысы. Қазір референдумның өткені маңызды, ал қазақстандықтар конституциялық құрылымның жекелеген мәселелері үшін емес, келешекте өміріне физикалық әсер ететін нақты мәселеде дауыс беру мүмкіндігі мен тәжірибесіне ие болды. Бұл біздің өңірдегі ерекше жағдай», - дейді Мәжіліс депутаты.
Еске салайық, бүгін қазақстандықтар атом электр станциясын салу мәселесі бойынша референдумда дауыс берді.
6 қазанда ел бойынша 10 249 референдум учаскесінде дауыс беру басталды.
1 шілдедегі жағдай бойынша ел көлемінде 12 176 968 адам референдумда дауыс беруге хақылы.
Айта кетейік, 20:00-дегі жағдай бойынша 7 820 918 азамат бюллетень алды. Бұл тізімге енгізілген азаматтардың 63,87 пайызы.