ОРАЛ. ҚазАқпарат - Сенат депутаты ел үмітін ақтаса екен. Бұл туралы облыстық мәслихат депутаты Әсел Мырзахметова мәлім етті, деп хабарлайды ҚазАқпарат тілшісі.
Оның айтуынша, үміткерлердің үшеуі де - елге танымал адамдар.
Олар - қоғамдық өмірге өз үлестерін қосып келе жатқан азаматтар.
«Депутаттар дауысын беріп, өз таңдауларын жасады. Сайланған депутаттан не күтеміз? Біріншіден, ол өз бағдарламасын, ой-жоспарларын толық орындағаны маңызды. Екіншіден, Батыс Қазақстан облысында шешілуі тиісті мәселе жетерлік. Міне, соларды уақтылы шешуге атсалысса екен. Ең бастысы, халықтың аманатына адал болса екен», деді ҚазАқпарат тілшісіне Ә.Мырзахметова.
Еске сала кетейік, бұдан бұрын БҚО-да таңдаушылар дауыс беріп жатырғанын жазған болатынбыз.
Сондай-ақ таңдаушы Сенат депутатын сайлаудың қалыпты өтіп жатырғанын жеткізді.
Батыс Қазақстаннан Арман Өтеғұлов Сенат депутаты болып сайланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).