ӨСКЕМЕН. ҚазАқпарат – Шығыс Қазақстан облысының полиция қызметкерлері көпбалалы отбасыларға әлеуметтік көмек көрсетті, деп хабарлайды ҚазАқпарат тілшісі.
ШҚО Полиция департаменті арнайы жұмылдыру дайындығы басқармасының қызметкерлері көпбалалы отбасылардың үйлеріне барып, азық-түлік таратты. Сондай-ақ балаларға жемістер мен тәттілер берілді.
«Тәртіп сақшылары көпбалалы және тұрмысы төмен отбасыларға тұрақты түрде әлеуметтік көмек көрсетіп отырады. Біз үшін бүлдіршіндердің көзінен қуаныш, жүзінен күлкі көру өте маңызды», - деді арнайы жұмылдыру дайындығы басқармасы бастығының орынбасары Серік Қалиев.
Өз кезегінде көпбалалы аналар полиция қызметкерлеріне көрсеткен көмектері үшін алғыстарын білдірді.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.