ТАШКЕНТ. KAZINFORM – Ташкент облысы Янгийул қаласындағы ауданаралық перинаталдық орталықта салмағы 7 келі 3 грамм қыз бала дүниеге келді. Бұл туралы Өзбекстан Республикасының Денсаулық сақтау министрлігі хабарлады.
Нәрестенің жағдайы қанағаттанарлық деп бағаланып отыр. Анасы кесар тілігі арқылы босанған, бұл – оның төртінші баласы.
Облыстық Денсаулық сақтау басқармасының мәліметінше, қазір ана мен бала дәрігерлердің бақылауында.
Естеріңізге сала кетейік, Өзбекстан әуе жолдарының Ташкенттен Нью-Йоркке бет алған HY101 рейсінің бортында сәби дүниеге келгені туралы жазған болатынбыз.
Осы жылдың қаңтар айында Ташкенттегі бір отбасында төрт егіз бала дүниеге келген.
Сондай-ақ Рудныйда салмағы 6 келіге жуық алып сәби дүниеге келді.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы