17:30, 09 Ақпан 2019

Теннис: Қытайлықтарды ұтқан Қазақстан құрамасы плей-офф кезеңіне жолдама алды

АСТАНА. ҚазАқпарат - Астанада Федерация кубогы үшін іріктеу сайысының финалында Қазақстан мен Қытай матчында соңғы ойын өтті, деп хабарлайды ҚазАқпарат тілшісі.

Жұптық кездесуде Қазақстаннан Галина Воскобоева мен Анна Данилина, Қытайдан Чжэн Сайсай мен Чжаосюань Ян шықты.

Матчта есепті теңестіргеннен кейін шешуші бәсекеге қытайлықтар өзгеріс енгізіп, үздіктерін қосты.

Бірінші партияда есеп 5:5 болғанда, қазақстандық жұп брейк жасай алды. Содан кейін өз геймдерін құр жібермеді - 7:5.

Екінші сетті Воскобоева мен Данилина брейкпен бастап, өз геймдерін де алды - 2:0. Тағы бір брейк - 3:0. Тағы да брейк - 5:0. Бұдан кейін қазақстандық жұп қарсыластарына ес жиғызбады - 6:0.

Осылайша Қытай құрамасын 2:1 есебімен қазақстандықтар (капитаны Диас Досқараев) екінші Әлемдік топтың плей-офф кезеңіне жолдама алды.

Еске сала кетейік, Астанада өтіп жатқан Федерация кубогы үшін іріктеу кезеңінде Қазақстан - Үндістан матчын Зарина Дияс жеңіспен бастап, Юлия Путинцева жалғастырды. Сондай-ақ Галина Воскобоева мен Анна Данилина жұптық кездесуде ұтты, ал ерлер арасында Александр Бублик Будапешт турнирінің жартылай финалына шықты. Бүгін Зарина Дияс қарсыласын тізе бүктірді.

Астана Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).