АСТАНА. KAZINFORM — Астана қаласында Дэвис кубогы бірінші әлемдік тобында Қазақстан мен Пәкістан арасында плей-офф матчі өтіп жатыр.
Кортқа бірінші болып әлемнің 75-ракеткасы Александр Шевченко мен рейтингіде орны жоқ Музамиль Муртаза шықты.
Бірінші партияда есеп 2:2 болған мезетте қазақстандық теннисші брейкпен алға озды — 6:2.
Екінші сетте Шевченконың басымдылығы айқын көрінді — 6:1.
Бәсеке бір сағаттан сәл астам уақытқа созылды.
Бүгін сондай-ақ Бейбіт Жұқаев өз кездесуін өткізеді.
Еске сала кетейік, бұдан бұрын теннистен Дэвис кубогында Қазақстан — Пәкстан матчының жеребесі тартылғанын жазған едік.
Сондай-ақ Анна Данилина Аустриядағы жарыстың финалынан тыс қалды.
Александр Бублик чемпиондық атағын қорғай алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).