НҰР-СҰЛТАН. ҚазАқпарат – Үндістанның Нью-Дели қаласында 14 жасқа дейінгілер арасында World Junior Tennis Competition 14&under Азия/Тынық мұхит аймағы іріктеу кезеңінің жеребесі тартылды, деп хабарлайды ҚазАқпарат тілшісі.
Қазақстан теннис федерациясы мәлім еткеніндей, қазақстандық қыздар D тобында Өзбекстан, Иран және Непал құрамаларымен сынға түседі.
Іріктеу турнирі 18-23 сәуір аралығында өтеді. Беделді командалық жарыста ел намысын Ева Корышева (Ақтөбе), Ариана Гогулина (Нұр-Сұлтан) және Сәтима Төреген (Алматы) қорғайды.
Команда капитаны – Мұқам Ерматов.
Еске сала кетейік, бұдан бұрын Елена Рыбакинаның Қазақстан теннисшілерінің тарихи жеңіске жеткені туралы айтқанын, қазақстандық теннисшінің Таиландтағы турнирдің чемпионы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).