АСТАНА. KAZINFORM — Қазақстандық теннисші Дамир Жалғасбай жасөспірімдер арасында жұптық сында Уимблдон турнирінің екінші айналымына жолдама алды.
Қазақстандық теннисші америкалық Джэйк Секордпен бірге алғашқы айналымда жарыстың 5-ракеткалары, пуэрторикалық Янник Альварез – бразилиялық Леонарда Сторк-Франкқа қарсы келді.
Қарсыластарының фаворит болғанына қарамастан, қазақстандық-америкалық жұп 7:6 (10:8), 7:6 (8:6) есебімен жеңіске жетті.
Бәсеке 1 сағат 27 минутқа созылды.
Дамир Жалғасбай – Джэйк Секорд ширек финалға шығу үшін латвиялық Рихардс Нейманис – румыниялық Матей Тодоранмен таласады.
Дамир Жалғасбай жекелей сында бастапқы кездесуінде доданың 7-ракеткасы, аустриялық Тило Берманды жеңіп, екінші айналымға шыққан еді.
Еске сала кетейік, бұдан бұрын Уимблдон турнирінде Дамир Жалғасбайдың жарыстың 7-ракеткасын жеңгенін жазған едік.
Юлия Путинцева Швециядағы турнирде алғашқы қарсыласын ұтты.
Уимблдон турнирінде Анна Данилина жарыс жолын аяқтады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).