АСТАНА. KAZINFORM — Қазақстанның жұптық сындағы бірінші ракеткасы Анна Данилина АҚШ ашық чемпионатын жеңіспен бастады.
«Үлкен дулыға» турнирінің 9-ракеткалары болып тіркелген А.Данилина – сербиялық Александра Крунич алғашқы айналымда хорватиялық Антония Рузич – нидерландылық Бибиана Схоофспен шеберлік байқасты.
Бірінші партияда Данилина – Крунич 6:1 есебімен айқын басымдылық танытты.
Екінші сет те дәл осындай есеппен аяқталды – 6:1.
Бір сағат 3 минутқа созылған бәсекеде қазақстандық-сербиялық жұп 1 эйспен бірге 10 брейк-пойнттың тең жартысын құр жіберген жоқ. Рузич – Схоофс 3 брейк-пойнтты пайдалана алмады.
Анна Данилина – Александра Круничтің келесі қарсыластары кейін анықталады.
Еске сала кетейік, бұдан бұрын Александр Бубликтің АҚШ ашық чемпионатының үшінші айналымына өткенін жазған едік.
Елена Рыбакина АҚШ чемпионын ойсырата ұтып, төртінші айналымға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).