Ақтөбе облыстық ПД баспасөз қызметінің хабарлауынша, өрттен кейін бірден іс қозғалды.
— Газ құю бекетінде Honda маркалы көлік өртенді. Оқиға салдарынан үш адам, әйел және екі кәмелетке толмаған бала қаза тапты. Сондай-ақ ер адам күйік шалып, медициналық мекемеге жеткізілді. ҚР Қылмыстық кодексінің 281-бабы («Жарылыс қаупі бар объектілерде қауіпсіздік қағидаларын бұзу») бойынша іс тіркелді. Автогаз құю станциясының иесі ұсталып, уақытша ұстау изоляторына қамалды, — деді Ақтөбе облыстық ПД бастығының орынбасары Әсет Қалиев.
Айта кетейік, оқиға кеше түнде Ақтөбе қаласында болды. Көлік ішінде тірідей жанып кеткен үш адамның екеуі кәмелет жасқа толмаған.