АСТАНА. KAZINFORM — Таиландтың Накхонратчасима қаласында волейболдан 18 жасқа дейінгі қыздар командалары арасында өтіп жатқан Азия чемпионатында Қазақстан Қырғызстанмен сынға түсті.
Бұл Қазақстан құрамасының В тобындағы екінші кездесуі еді.
Қазақстандық қыздар үш сетте де сенімді ойнап, 3:0 (25:15, 25:16, 25:15) есебімен жеңіске жетті.
Қазақстан құрамасы 3 шілде күні аса жауапты матчын Қытаймен өткізеді. Қытайлықтар кеше Қырғызстанды 3:0 есебімен жеңген болатын. Бүгін олар Гонконгпен ойнайды.
Азия чемпионатында командалар барлығы төрт топқа бөлінген.
Еске сала кетейік, бұдан бұрын Қазақстан құрамасы волейболдан Азия кубогында үздік бестікке іліккенін жазған едік.
Қазақстан қыздар құрамасы волейболдан Азия чемпионатын жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).