АСТАНА. KAZINFORM — Әйелдер теннисі қауымдастығы (WTA) жекелей және жұптық сында жаңартылған рейтингіні жария етті.
Қазақстанның бірінші ракеткасы Елена Рыбакина жекелей сында екінші, сондай-ақ Юлия Путинцева 85-орнын сақтап қалды.
Жібек Құламбаева 479-дан 450-ге жоғарылады.
Жұптық сында Қазақстанның маңдайалды теннисшісі Анна Данилина бұрынғыша 6-сатыда тұр.
Өткен аптада украиналық Валерия Страховамен бірге Хасково (Болгария) ITF W50 турнирінің жеңімпазы атанған Ж.Құламбаева жұптық сында да жағдайын едәуір жақсартты. Жібек 194-тен бірден 173-сатыға көтерілді.
Еске сала кетейік, бұдан бұрын Жібек Құламбаеваның Болгариядағы жарыста үздік шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).