АСТАНА. KAZINFORM — Қазақстандық теннисші, әлемнің 395-ракеткасы Жібек Құламбаева Хучжоу (Қытай) челленджер турнирінің іріктеу сайысын жеңіспен түйіндеді.
Қазақстан ұлттық құрамасының мүшесі іріктеу сайысының финалында әлемнің 484-ракеткасы, қытайлық Мэйки Гомен бетпе-бет келді.
Бірінші партияда Жібек айқын басымдылық көрсетті — 6:1.
Екінші сетте қытайлық теннисші 5:3 есебімен алға шыққанымен, Құламбаева таразы басын теңестіре білді. Содан кейін тай-брейкте есесін жібермеді — 7:6 (8:6).
Екі сағатқа созылған тартысты бәсекеде Жібек Құламбаева эйс жасамағанымен, 14 брейк-пойнттың алтауын пайдаланды. Го 3 эйс, 3 брейкпен (4 брейк-пойнт) ерекшеленді.
Осылайша, қатарынан екі жеңіске қол жеткізген Жібек Құламбаева негізгі жарысқа жолдама алды.
Еске сала кетейік, бұдан бұрын Жібек Құламбаеваның Қытайдағы челленджер жарысын жеңіспен бастағанын жазған болатынбыз.
Елена Рыбакина Мадрид турнирінің төртінші айналымына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).