4 ақпанда елдегі қай жолдар жабық тұр

АЛМАТЫ. KAZINFORM – «ҚазАвтоЖол» ұлттық компаниясы елдегі жолдардың қазіргі ахуалы туралы хабарлады. 

Ұлттық компанияның мәліметінше, 2026 жылғы 4 ақпан сағат 08:00-ден бастап келесі автожол учаскелерінде жолаушылар тасымалдайтын рейстік автобустар мен жүк көліктерінің қозғалысы шектелді:

Ақтөбе облысы

• «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 776-1240-шақырымы («ЭКО ойл» жанармай құю бекеті – Қызылорда облысының шекарасы аралығы).

Қызылорда облысы

• осы автожолдың 1240-1362-шақырымы (Ақтөбе облысының шекарасы – Арал қаласы аралығы).

Қозғалыс 2026 жылғы 4 ақпанда сағат шамамен 13:00-де жанданады.

Жабық жолдар

Ауа райының нашарлауына байланысты келесі республикалық маңызы бар автожолдарда көліктің барлық түрі үшін қозғалысқа шектелді:

Ақтөбе облысы

• «Ақтөбе – Қандыағаш – Доссор – Атырау – РФ шекарасы» автожолы, 11-104-шақырымы (Ақтөбе қаласы – Қандыағаш қаласы);
• осы жолдың 104-250-шақырымы (Қандыағаш қаласы – Қарауылкелді кенті);
• осы жолдың 250-337-шақырымы (Байғанин кенті – Атырау облысының шекарасы).

Атырау облысы

• «Ақтөбе – Қандыағаш – Доссор – Атырау – РФ шекарасы (Құрманғазы өткізу бекеті)» автожолының 337-346-шақырымы (Ақтөбе облысының шекарасы – Сағыз ауылы).

Павлодар облысы

• «Астана – Шідерті – Павлодар – Успенка – РФ шекарасы» автожолындағы көпір өткелінің шеткі арқалықтары зақымдануына байланысты «Қалқаман» жол айрығы учаскесі – Қалқаман ауылына кіреберіс және Астана бағытына шығатын жол жабылды.

Шығыс Қазақстан облысы

• Осинов асуында тіркемесі бар және жартылай тіркемелі жүк көліктерінің қозғалысы уақытша шектелді. Шектеу «Өскемен – Алтай – Катонқарағай – Рахман қайнары» автожолының 46-66-шақырымындағы (Северное ауылы – Серебрянск қаласы) учаскесінде қыс аяқталғанша сақталады.

Еске салайық, бұған дейін Қазақстанның 15 облысында ауа райына байланысты ескерту жарияланды.