6 наурызда елімізде өтетін маңызды іс-шаралар аңдатпасы

АСТАНА. KAZINFORM – Kazinform халықаралық ақпарат агенттігі Қазақстанда 6 наурыз күні өтетін маңызды іс-шаралар аңдатпасын ұсынады.

09:30-да Асхат Аймағамбетовтың төрағалығымен әлеуметтік-мәдени даму комитетінің тақырыптық отырысы өтеді.

10:00-де ҚР Парламенті Сенатының отырысы басталады.

10:00-де Radisson Astana қонақ үйінде ҚР Ауыл шаруашылығы министрлігімен бірлескен ФАО-Қазақстан серіктестік бағдарламасы аясындағы перспективалық жобаларды талқылауға арналған дөңгелек үстел өтеді.

10:00-де Астананың оң жағалауында орналасқан №2 қалалық емхана филиалында «Ғылыми-өндірістік трансфузиология орталығы» РМК донорлық пункті ашылады.

11:30-да ҚР Президенті жанындағы Орталық коммуникациялар қызметінде «Көктемгі әскери шақыру науқаны» атты баспасөз мәслихаты өтеді.

14:00-де Еділ Жаңбыршиннің төрағалығымен экология және табиғатты пайдалану мәселелері жөніндегі комитеттің тақырыптық отырысы өтеді. Онда «ҚазМұнайГаз» ұлттық компаниясы» АҚ тауарлар, жұмыстар және қызметтерді сатып алудағы импортты алмастыру мәселелері талқыланады.

14:30-да Radisson Astana қонақ үйінде ФАО-Қазақстан серіктестік бағдарламасы аясында су ресурстарын тұрақты басқару және ирригация мәселелеріне арналған дөңгелек үстел өтеді.

15:00-де Сенаттың Қаржы және бюджет комитетінің депутаттары «Инвестициялық климатты жақсарту және бизнесті жүргізу шарттарын жетілдіру» тақырыбында дөңгелек үстел өткізеді.

15:00-де ҚР Су ресурстары және ирригация министрлігінің алқалы отырысы өтеді.

19:00-де Orta бизнес-орталығында «Гендерлік экономика – Қазақстан мен әлем туралы не білеміз?» тақырыбында MIND-Talks ашық дәрісі өтеді.