Адам құқықтары жөніндегі уәкілдің Ақтөбе облысы бойынша өкілі тағайындалды
АҚТӨБЕ. KAZINFORM - Тимур Жакеев бұған дейін де осы салада еңбек етті. Заңгерлік білімі бар маман Орталық Қазақстан академиясын бітірген.
ҚР Адам құқықтары жөніндегі уәкілдің Ақтөбе облысы бойынша өкілі бүгін тағайындалды. Тимур Жакеев - заңгер. Көкшетау экономика және менеджмент институтын және Орталық Қазақстан академиясын бітірген.
- Адам құқықтары жөніндегі ұлттық орталықтың құрылымында 2025 жылдың қаңтар айынан бастап жұмыс істейді. Тағайындалғанға дейін Құқықтық және ұйымдастыру-талдау жұмысы бөлімінің кемсітушіліктің барлық нысандарын болдырмау және заңнаманы жетілдіру жөніндегі секторының бас инспекторы қызметін атқарған,- деп хабарлады ҚР Адам құқықтары жөніндегі уәкілдің ресми парақшасы.
Бұған дейін Ақтөбеде дін істері басқармасының басшысы тағайындалды.
