Air Astana Тель-Авив рейстеріне билет сатуды уақытша тоқтатты

Израильдегі тұрақсыз жағдайға байланысты Air Astana әуе компаниясы кесте бойынша ертеңге жоспарланған Тель-Авивке рейсі Бен-Гурион әуежайының қауіпсіздігі сақталған жағдайда орындалады, деп хабарлайды ҚазАқпарат әуежайдың баспасөз қызметіне сілтеме жасап.

Тель-Авивке кейінгі барлық рейстер қосымша ескертуге дейін тоқтатылды.

Air Astana сондай-ақ Тель-Авив рейстеріне билеттерді сатуды уақытша тоқтатты. Билеттерді алдын ала алған бірақ Израильдегі жағдайға байланысты сапарларынан бас тартқысы келетін жолаушыларға әуе компаниясы билеттерді сатып алған жерден толық қайтаруды ұсынады.

Әуе тасымалдаушысы Израильдегі жағдайды мұқият бақылайды. Рейстердің мәртебесін https://airastana.com/kaz/kz-kz/Ақпарат/Әуежайда/Рейс-статусы сілтеме арқылы, ал билетті қайтару мәселесі бойынша хабарласуды сұраймыз.

Осыған дейін Газа секторындағы палестиналық радикалдар Израиль аумағына зымыран атқылап, Израильдің орталығы мен оңтүстігінде ерекше жағдай енгізілгенін жаздық.