Ақмола облысындағы су қоймасында жоғалып кеткен 2 балықшы табылмай жатыр
Ақмола облыстық Полиция департаменті баспасөз қызметінің мәліметінше, балықшылардың жоғалғандығы туралы 10 қазанда сағат 7:00 Аршалы аудандық полиция бөліміне Теміртау қаласының тұрғыны хабарлап айтқан.
Ер адамның сөзінше, олар 9 қазанда Вячеслав су қоймасына балық аулауға барған. Күні бойы олар бірге болған, ал кешкісін ол көлігіне ұйықтауға кетіп, достары жағада қалған. Келесі күні таңғы сағат 07:00 шамасында достарының жоқтығын байқаған ер адам полиция мен құтқарушыларды шақырды.
«Іздестіру жұмыстарына полиция мен құтқарушылар, сондай-ақ, балықшылардың таныстары тартылды. Сол күні су қоймасының жағасындағы қамыстың арасынан моторлы қайық табылды. Ал, балықшылар табылған жоқ. Іздестіру жұмыстарына сүңігурлерді тарту да қарастырылған», - деді ведомстводан.
Еске салсақ, Павлодар облысында бес күн бұрын жоғалған балықшылардың денесі көлден табылған еді.