АҚШ президенті Қазақстанға келе ме – Елші жауабы

ақш елшісі
Фото: "ҚазАқпарат" ХАА

Қазақстандағы АҚШ елшісі Дэниел Розенблюм тілшілермен өткізген дөңгелек үстел отырысында АҚШ президенті Джо Байденнің Орталық Азияға сапары жөнінде сұрақтарға жауап берді, деп хабарлайды ҚазАқпарат тілшісі.

«Орталық Азия елдерінің Тәуелсіздік алғанына 30 жылдан асты, бірақ бірде-бір АҚШ көшбасшысы бұл аймаққа келмеді. Алдағы уақытта мұндай жоспар бар ма?», - деп сұрақ қойды тілшілер.

Өз жауабында АҚШ елшісі дәл қазір еш мәлімдеме жасай алмайтынын жеткізді.

«Дегенмен, мұндай ықтималдық бар екенін атап өткім келеді. АҚШ-тың жоғары билігі тарапынан Қазақстанға және Орталық Азияға үлкен қызығушылық байқалуда. Сондықтан, Президент сапары бойынша ықтималдық бар», – деп жауап берді Дэниел Розенблюм.

Еске сала кетсек, өткен аптада АҚШ Президенті Джо Байден «С5+1» форматында алғаш рет Қазақстан, Қырғыз Республикасы, Тәжікстан, Түрікменстан және Өзбекстан президенттерімен кездесу өткізген еді. Сарапшылар мұны тарихи сәт деп бағалады.

Соңғы жаңалықтар
telegram